Partaidetza-tituluak borondatezko finantzaketa-mekanismo bat dira, Kooperatiben Legean eta gure estatutuetan aurreikusita daudenak. Titulu horiek jaulkitzen dituzten entitateei aukera ematen diete beren ingurune eta ehun sozialaren laguntza eta inplikazioa jasotzeko, behar edo proiektu zehatz bat autofinantzatzeko.
Partaidetza-tituluek balio nominal bat, epemuga bat eta ordainsari bat dituzte. Akordioa tituluak jaulkitzen dituen entitatearen eta harpidetza egiten duen pertsona edo erakundearen artean sinatzen den kontratu batean jasotzen da.

Coop57k esperientzia handia du bere entitate bazkideen partaidetza-tituluen jaulkipen eta kudeaketan. Orain arte, ekonomia sozial eraldatzaileko 12 entitatetan partaidetza-tituluen jaulkipena kudeatu du, eta horien bidez 5 milioi euro baino gehiago bideratu dira proiektu esanguratsuak finantzatzeko: ekoizpen eta kontsumo kooperatibo agroekologikoa, etxebizitza kooperatiboak, nekazaritza eta elikadura burujabetza, helduen hezkuntza eta prestakuntza, kultura herrikoia eta komunitarioa, eskubide zibilen eta askatasunen defentsa edo landa-eremuetako zahartze aktibo eta duinaren babesa.
Oraingoan, lehen aldiz, Coop57k bere jaulkipen propioa egingo du, etxebizitza kooperatiboak eta lur komunitarioak finantzatzeko baliabide gehiago izateko.

2015etik, Coop57k apustu sendoa egin du erabilera-lagapeneko etxebizitza kooperatiboaren garapena bultzatzeko, etxebizitza eskubidea bermatzeko modu kolektibo, kooperatibo eta komunitario baten alde. Bere babesez finantzarioaz baliatuta, Coop57k 17 milioi euro bideratu ditu 30 proiektu inguruetara, lur publikoan eta pribatuan, ingurune urbanoetan zein landa-eremuetan, ikuspegi anitzak barneratzen dituzten ekimenetarako: ikuspegi feminista, landa-eremuetako dinamizazioa, ingurumen-iraunkortasuna, autogestionatutako proiektu ekonomikoekin loturak, eta abar.
Horrez gain, 2019tik, Coop57k Lur Komunitarioaren lerroa sustatu du, ingurumen balio edo balio sozial handiko lurrak desmerkantilizatzeko eta sozializatzeko, komunitatearen eta ekonomia sozial eraldatzaileko entitateen onurarako jabetzan eskuratuz eta kudeatuz. Lerro horren barruan, Coop57k 3 proiektu garatu ditu (Vallseko alde zaharrean, Collserolako parke naturalean eta Iruñeko alde zaharrean), guztira 1.885.000 €-ko inbertsioarekin.
Horrelako proiektuek epe luzera berreskuratzeko finantza-inbertsio handiak eskatzen dituzte. Proiektu gehiago eta lurralde gehiagotan babestu ahal izateko, Coop57k baliabide gehiago behar ditu. Beraz, partaidetza-tituluen jaulkipen honek beharrizan horri erantzutea du helburu.

2029ko ekainaren 30a. Berritzeko aukera izango da, une horretan ezarriko diren baldintzen arabera.

Tituluen itzulketa edozein unetan eska daiteke.

Hala ere, epemuga baino lehen eskatzen bada, urte horretako errentagarritasunaren %100eko penalizazioa aplikatuko da. Hau da, ez da ordainsaririk egongo.

Partaidetza-tituluak Coop57ren gaitasun ekonomiko eta finantzario propioaren bidez daude bermatuta.
Coop57 zerbitzu-kooperatiba moduan jarduten duen erakunde finantzarioa da. Ez da banku bat, eta, beraz, ez du Espainiako Bankuaren Gordailuen Bermeen Funtsaren estaldurarik.
Coop57k hainbat mekanismo aktibatzen ditu bazkideek egindako ekarpenak eta jaulkitako partaidetza-tituluak bermatzeko:

• - Bere soberakinak erreserbetara bideratzen ditu soilik.
• - Finantzaketa jasotzen duten entitateei kapital sozialerako ekarpen osagarriak eskatzen dizkie, maileguak bermatzeko funts  solidario bat sortzeko.
• - Urtero, ahalik eta gehien hornitzen ditu gerta daitezkeen ez ordainketetarako erreserbak.
• - Bazkide batek jaso dezakeen maileguaren gehienezko muga ezartzen du, arriskua banatzeko (Coop57ren baliabideen %2 baino gehiago ezin zaio entitate bakar bati eman).
• - Hainbat erakunderekin hitzarmenak ditu arriskuak partekatzeko eta emandako maileguak bermatzeko (Europako Inbertsio Funtsa, Elkar-berme Sozietateak, Administrazio Publikoak, Fundazioak eta Ekonomia Sozial Eraldatzaileko beste entitate batzuk).
• - Etxebizitza kooperatiboen kasuan, hipoteka-bermeak erabil daitezke jabetzaren edo azalera-eskubidearen gainean.

Coop57 modu demokratiko eta parte-hartzailean kudeatzen den kooperatiba da, eta bazkideek une oro beren egoera ekonomikoa ezagutzeko eta erabakiak hartzeko prozesu kolektiboetan parte hartzeko mekanismoak aktibatzen ditu.

Orain arte, Coop57k baliabideak lortzeko erabilitako bide nagusia, ekonomia sozial eraldatzailea sustatzen duten proiektuak finantzatzeko, bazkideek egindako kapital sozialerako ekarpenak izan dira.
Partaidetza-tituluen jaulkipen propioa aldiz, Coop57rentzako mekanismo berria da. Honen helburua da finantzaketa-iturriak dibertsifikatzea etxebizitza kooperatibo gehiago eta lur komunitario gehiago babesteko baliabide gehiago lortzeko.

HELBURUA
Coop57ko kapital sozialerako ekarpenek kooperatibari baliabide ekonomikoak ematea dute helburu, kolektiboki ezarritako irizpide etiko eta sozialetan oinarrituta jarduera finantzarioa garatzeko. Ekarpen horiek Coop57ri aukera ematen diote ekonomia sozial eraldatzaileko entitateek egiten dituzten finantzaketa-eskaerei erantzuteko. Ez dute aldez aurretiko helburu zehatzik.
Aitzitik, partaidetza-tituluetan aurretik definitzen da baliabide horien helburua: kasu honetan, etxebizitza kooperatiboak eta lur komunitarioak finantzatzeko erabiliko dira, soilik.

EPEMUGA
Coop57ko kapital sozialerako ekarpenek ez dute epemugarik.
Partaidetza-tituluek, ordea, epemuga dute, eta itzulketa-baldintza zehatz batzuk aurretik ezartzen dira.

PARTE-HARTZEA ETA ERABAKIAK HARTZEA
Gizarte-eraldaketara eta ekonomia sozial eraldatzailea bultzatzera bideratutako aurrezki solidarioan parte hartzeaz gain, kapital sozialerako ekarpenek esan nahi dute Coop57rekin bazkidetza-harreman bat ere ezartzen dela: kooperatibaren bazkide izatearekin lotuta daude. Horrek esan nahi du Coop57ren jabetza partekatzen dela gainerako bazkideekin eta erabakiak hartzeko eskubide osoz parte har daitekeela.
Partaidetza-tituluak, berriz, jaulkitzen dituen entitatearen zor baten forma dira, eta beraz, ez dute eskubide politikorik ematen.

ESKUBIDE EKONOMIKOAK
Ez dago alde handirik kapital sozialerako ekarpenen eta partaidetza-tituluen artean. Mota bakoitzak bere errentagarritasun eta itzulketa-baldintzak ezartzen ditu.
Partaidetza-tituluak harpidetzean edo Coop57ko kapital sozialera ekarpenak egiterakoan baldintza horiek onartzen dira eta, ondorioz, eskubide ekonomiko horiek eskuratzen dira.

GARDENTASUNA ETA INFORMAZIOA
Gardentasuna Coop57ren oinarrizko printzipioetako bat da. Coop57ko bazkideei beren kapital sozialeko ekarpenak zertarako erabili diren jakinarazten zaien bezala, partaidetza-tituluen jaulkipen honetan ere, Coop57k konpromisoa hartzen du lortutako baliabide ekonomikoekin finantzatutako proiektuen berri emateko eta kontuak ezagutarazteko.

Ekainaren 2tik uztailaren 7ra bitartean web inprimaki hau betez: https://titols.coop57.coop/eu
Web inprimakira sarbidea ezin baduzu eduki, jar zaitez harremanetan: titols@coop57.coop

NOLA EGITEN DA TITULUAK EROSTEKO ORDAINKETA?
Tituluak eskuratzeko ordainketa modu hauetako batean egin daiteke:
Coop57ko bazkide bazara:

• Domizilizaio bidez
• Banku transferentzia bidez
• Coop57ko kapital sozialaren borondatezko ekarpenetik transferentzia baten bidez

Coop57ko bazkide ez bazara:

• Domizilizaio bidez
• Banku transferentzia bidez

NOLA EGIAZTATUKO DIRA TITULUAK?
2025eko uztailaren 15etik aurrera, kontratu baten bidez:

• Coop57ko bazkide bazara: Kontratua Bulego Birtualean kontsultzeko aukera egongo da (https://www.coop57.net)
• Coop57ko bazkide ez bazara: Kontratua posta elektronikoz jasoko duzu.

Kontratua sinatu beharko da (sinadura digitala edo eskuz egindakoa erabiliz), eta posta elektronikoz (titols@coop57.coop) edo postaz bidali (Premià kalea, 15, beheko solairua, 08014 Bartzelona).
Kontratua eskuragarri egon bitartean, tituluren bat harpidetu duten pertsonek eskaeraren egiaztagiri bat izango dute, baldintzen xehetasunak adieraziko dituena.

NOLA EGINGO DA ORDAINSARIAREN ORDAINKETA?
Urteroko ordainsaria (PFEZren atxikipena kenduta) eskaeran adierazitako banku-kontuan sartuko da ekainaren 30ean.
Banku-kontua aldatuz gero, aldaketa Coop57ri jakinarazi beharko zaio helbide honetara idatziz: titols@coop57.coop

NOLA ESKATU BEHAR DA TITULUEN ITZULKETA?
Posta elektroniko bat bidalita helbide honetara: titols@coop57.coop Mezua jaso bezain laster, itzulketa-inprimakia bidaliko zaio eskatzaileari.

Partaidetza-tituluek sortzen duten errentagarritasuna kapital higigarriaren etekin gisa hartzen da eta atxikipen fiskal baten mende dago (gaur egun %19). Ohiko moduan, araudi fiskalaren betetze zorrotzean eta gardentasunean oinarrituta, Coop57k atxikipen hori egiten du, zerga-agintaritzari ordaintzen dio eta dagokion ziurtagiria igortzen du. Ziurtagiri hori zergadunen aitorpen-zirriborroetan sartuta egoten da.